Ir al contenido principal

Refráns


Roxando o forno

 A nosa colleita

Refráns recollidos polo noso alumnado nas entrevistas feitas no desenvolvemento do proxecto:
  • A falta de pan, sabe ben a bola
  • A pan duro dente agudo
  • A quen come pan, migallas lle quedarán
  • Amigo que non da pan e coitelo que non corta, anque se perda non importa
  • Ano de moitas espigas, sinal de boas rafas
  • Ano de moitas nevadas, ano de boas fornadas
  • Ao pan, pan e ao viño, viño
  • As penas con pan son menos penas
  • Ca bola e co boliño, agardaremos un anaquiño
  • Cando a carballeira zoa, sabe ben a broa
  • Cando o pan está na aira, anda a fariña pola artesa
  • Cando ti naceras eu xa comia pan con codela
  • Comas ben ou comas mal, acabas sempre con pan
  • Con ben pan e moita leña o inverno a ninguén empeña
  • Con pan e viño andas o camiño
  • Con pan e viño, faise moito camiño.
  • Con pan e viño, xa se anda o camiño
  • Cun boliño pequeno, arreglamos para un mes enteiro
  • Cunha bola de pan e unha bota de viño, imos  facendo o camiño
  • Da bola a rebola, que veña o demo e a escolta
  • Dios dalle pan ao que non ten dentes
  • Masa na artesa, pan na mesa
  • O pan e o viño fan dun vello un mociño
  • O pan gañado, sabe á gloria
  • O trigo centeoso fai un pan moi proveitoso
  • Onde pan se come, migallas quedan
  • Pa dentro ratos, que todo o branco é fariña
  • Pan con pan, comida de parvos
  • Quen non coce para a xente da mesa, algo esconde na artesa
  • San Sebastián, carro de leña e fornada de pan
  • Trigo centeoso, pan proveitoso

Facendo a chapata

O Centro virtual Cervantes

Nesta web hai unha selección de refráns multilingües entre os que podemos atopar algúns coma o seguinte ...
Non temos para pan e mantemos un can
https://cvc.cervantes.es/lengua/refranero/Default.aspx
Etiquetas:

Comentarios

Publicar un comentario

Entradas populares de este blog

IXP Pan Galego

Logotipo da indicación xeográfica Despois dun logo percorrido lexislativo xa temos o regulamento da IXP oficial do Pan Galego. A Consellería de Medio Rural publicou antonte no DOG a ORDE do 20 de xullo de 2020 pola que se aproba o Regulamento da indicación xeográfica protexida Pan Galego/Pan Gallego e do seu Consello Regulador. https://www.xunta.gal/dog/Publicados/2020/20200728/AnuncioG0426-210720-0004_gl.html Nela figuran as características que debe ter o pan para acollerse a esta denominación de orixe, e ademais podemos ler as principais formas que acolle. Felicitámonos de ter por fin unha lei que protexe ao noso pan e que pon en valor este ben tan prezado e único. Agora xa sabemos que a cantidade de auga para incorporar na masa será, como mínimo, de 75 litros por cada 100 kg de fariña, que o formento será o 15 % do peso da fariña amasada, e que se poden engadir como máximo 15 gramos de lévedo biolóxico e 18 gramos de sal por cada kilo de fariña. Este é un resumo das ...
Publicar un comentario
Leer más

A conrobla

Non sei que ten o pan galego que a todos gusta, e por iso quixemos dar gusto a todo o mundo facendo unha conrobla como é debido, das que só nós sabemos facer, falando e comendo ben. Velaquí o pan e os chourizos de David (2º de ESO) A mesa expositora, a medio encher, e os carteis divulgativos de fondo A mesa das mazás como froita recomendada, coas fermosas cestas que fixo o pai de Raquel (a profe de Galego) A degustación: o pan foi xentileza da panadería Rufina, a carón do IES, e o salchichón de Raquel; as fotos son de Olaia (a profe de historia). Non todo foi comer, o propio era explicar os proxectos; nesta mesa contabamos que proporcións ten o pan galego e como se fai; na seguinte que son as horas de frío e a súa importancia no desenvolvemento dos frutais; e na do fondo como se mide a auga de chuvia, pero a esa zona tardaban en chegar, o público amoreábase ao redor do pan. Quédannos cousas por facer, buscamos a etiqueta nutricional do pan galego, non un calquer...
Publicar un comentario
Leer más

As nosas palabras

Palabras obtidas no formulario do Pan 1-Fermento, formento, lévedo, levedo, masa nai,  requento. Masa de fariña fermentada que se emprega para levedar o pan. 2-Becerra, asmo Franxa de masa amazocada que ás veces queda no pan ou nos doces, por non estar ben cocidos. 3-Alvelo, angazo, angado, arganzo, corno, forca, forquilla, forquita, forcada, esgalladoiro,  pau, rodo. Pau longo de madeira, que pode ter gallas ou non, que se emprega para introducir ou remexer a leña no forno. 4-Angazo, atisador, cinseiro,  fachizo, lareiro, pa, pala, pa de forno, pa de enfornar, rodo, sobraseiro, varredoiro, Utensilio formado por un mango que ten nun dos seus extremos unha táboa perpendicular en forma de semicírculo e que se utiliza para xuntar as brasas ou a cinsa no forno. 5-Artesa Recipiente grande de madeira, xeralmente con catro patas e tampa, máis estreito no fondo que por arriba, no que se amasa o pan. 6-Forma, forma cunca. Recipiente de madeira con destino ...
Publicar un comentario
Leer más