Ir al contenido principal

Entradas

IXP Pan Galego

Logotipo da indicación xeográfica Despois dun logo percorrido lexislativo xa temos o regulamento da IXP oficial do Pan Galego. A Consellería de Medio Rural publicou antonte no DOG a ORDE do 20 de xullo de 2020 pola que se aproba o Regulamento da indicación xeográfica protexida Pan Galego/Pan Gallego e do seu Consello Regulador. https://www.xunta.gal/dog/Publicados/2020/20200728/AnuncioG0426-210720-0004_gl.html Nela figuran as características que debe ter o pan para acollerse a esta denominación de orixe, e ademais podemos ler as principais formas que acolle. Felicitámonos de ter por fin unha lei que protexe ao noso pan e que pon en valor este ben tan prezado e único. Agora xa sabemos que a cantidade de auga para incorporar na masa será, como mínimo, de 75 litros por cada 100 kg de fariña, que o formento será o 15 % do peso da fariña amasada, e que se poden engadir como máximo 15 gramos de lévedo biolóxico e 18 gramos de sal por cada kilo de fariña. Este é un resumo das
Entradas recientes

A conrobla

Non sei que ten o pan galego que a todos gusta, e por iso quixemos dar gusto a todo o mundo facendo unha conrobla como é debido, das que só nós sabemos facer, falando e comendo ben. Velaquí o pan e os chourizos de David (2º de ESO) A mesa expositora, a medio encher, e os carteis divulgativos de fondo A mesa das mazás como froita recomendada, coas fermosas cestas que fixo o pai de Raquel (a profe de Galego) A degustación: o pan foi xentileza da panadería Rufina, a carón do IES, e o salchichón de Raquel; as fotos son de Olaia (a profe de historia). Non todo foi comer, o propio era explicar os proxectos; nesta mesa contabamos que proporcións ten o pan galego e como se fai; na seguinte que son as horas de frío e a súa importancia no desenvolvemento dos frutais; e na do fondo como se mide a auga de chuvia, pero a esa zona tardaban en chegar, o público amoreábase ao redor do pan. Quédannos cousas por facer, buscamos a etiqueta nutricional do pan galego, non un calquer

As nosas palabras

Palabras obtidas no formulario do Pan 1-Fermento, formento, lévedo, levedo, masa nai,  requento. Masa de fariña fermentada que se emprega para levedar o pan. 2-Becerra, asmo Franxa de masa amazocada que ás veces queda no pan ou nos doces, por non estar ben cocidos. 3-Alvelo, angazo, angado, arganzo, corno, forca, forquilla, forquita, forcada, esgalladoiro,  pau, rodo. Pau longo de madeira, que pode ter gallas ou non, que se emprega para introducir ou remexer a leña no forno. 4-Angazo, atisador, cinseiro,  fachizo, lareiro, pa, pala, pa de forno, pa de enfornar, rodo, sobraseiro, varredoiro, Utensilio formado por un mango que ten nun dos seus extremos unha táboa perpendicular en forma de semicírculo e que se utiliza para xuntar as brasas ou a cinsa no forno. 5-Artesa Recipiente grande de madeira, xeralmente con catro patas e tampa, máis estreito no fondo que por arriba, no que se amasa o pan. 6-Forma, forma cunca. Recipiente de madeira con destino a suxeitar a m

Investigando a porcentaxe panadeira

A porcentaxe panadeira en Monforte de Lemos • A porcentaxe panadeira: É o procedemento aritmético que expresa a proporción dos ingredientes cando se elabora o pan. Faise en función da fariña empregada, que é o ingrediente de referencia, e tómase como o 100%. O resto dos ingredientes relacionaranse porcentualmente na receita e a suma total dos ingredientes vai ser maior de cen. O pan que se elabora vai ser sempre igual. Neste método é necesario que se pesen todos os ingredientes, incluso os líquidos. • Por exemplo: 40 kg de fariña→ 100% 27-28 l de auga→ 70% 400 g de sal→1% 450 g de levadura→ 1,125% 4-5 kg de masa nai→ 12,5% → Sairían 108 pezas de medio kg cocidos (54 kg de pan). Estamos a perder  .... de auga. • Este exemplo contóunolo un familiar que traballou na panadaría Morín de Monforte de Lemos. Con respecto ao indicado pola Consellería de Medio Rural sobre o que debe cumprir un pan para poder levar a denominación de orixe "Pan galego", o noso exemplo pode

Porcentaxe panadeira no pan galego

Denominación de orixe "Pan galego" As condicións que deben cumprir as pezas de pan galego están reguladas pola normativa creada para tal fin dende a Consellería de Medio Rural. Atópanse no documento de Indicación Xeográfica Protexida,  que detalla todo o proceso de elaboración, cales son os ingredientes e o etiquetado e logotipo oficial. logotipo oficial Extracto do documento (está en castelán). PLIEGO DE CONDICIONES IGP "PAN GALEGO" /"PAN GALLEGO"   JUNIO20173 El  pan  amparado  por  la indicación  geográfica  protegida “Pan  galego”/  "Pan  gallego" presenta las características siguientes: Forma: variable  en  función  del  formato  de  que  se  trate. Existen cuatro tipos de piezas, con un formato tradicional específico (ver anexo I), que son:  -“Bolo” u "hogaza": de hechura redondeada e irregular, puede llevar hendiduras en su parte superior y la relación ancho/largo se aproxima a 1/1. Otras variantes son: re

Medidas relacionadas co ciclo do pan

Co obxectivo de coñecer instrumentos e unidades de medida tradicionais da contorna próxima e reflexionar sobre o seu uso actual os alumnos de 3º ESO na materia de Matemáticas orientadas ás ensinanzas académicas elaboraron unhas presentacións nas que expuxeron os resultados da súa indagación. Ferrado de Vilambrán (Láncara) Nelas deberían de contemplar os seguintes aspectos: Contextualización da localización elixida Fontes de información empregadas Descrición e clasificación das unidades e instrumentos de medida das diferentes magnitudes (lonxitude, superficie, volume, capacidade, masa, tempo...) que se empregan ou empregaron na localización elixida Conclusións

O noso pan

Durante aproximadamente un mes estivemos recollendo datos sobre o vocabulario asociado ao proceso de elaboración do pan na nosa contorna a través dun formulario proporcionado polo programa PaLeGa que nós adaptamos para facilitar o uso de distintos dispositivos (teléfonos e ordenadores). Arquivos oficiais do proxecto que están nesta web: Caderno de enquisa ( PDF ) Follas para os datos ( Excel ou OpenDocument ) Imaxes ( zip ) Para os interesados en empregar a nosa versión amosamos capturas de pantalla deste formulario e proporcionamos un enlace de proba , tamén estamos a dispor de compartir a edición aos que o soliciten. Pantalla inicial do cuestionario Modelo de sección coas preguntas estándar O formulario está feito coa aplicación de Google Forms e consta dunha sección inicial de recollida de datos da persoa que fai a enquisa (no noso caso é o alumnado, que foi avaliado polo desenvolvemento desta tarefa), e vinte e dúas seccións mais cunha pregunta inicial aco