Ir al contenido principal

As nosas palabras

Palabras obtidas no formulario do Pan

1-Fermento, formento, lévedo, levedo, masa nai,  requento.
Masa de fariña fermentada que se emprega para levedar o pan.
2-Becerra, asmo
Franxa de masa amazocada que ás veces queda no pan ou nos doces, por non estar ben cocidos.
3-Alvelo, angazo, angado, arganzo, corno, forca, forquilla, forquita, forcada, esgalladoiro,  pau, rodo.
Pau longo de madeira, que pode ter gallas ou non, que se emprega para introducir ou remexer a leña no forno.
4-Angazo, atisador, cinseiro,  fachizo, lareiro, pa, pala, pa de forno, pa de enfornar, rodo, sobraseiro, varredoiro,
Utensilio formado por un mango que ten nun dos seus extremos unha táboa perpendicular en forma de semicírculo e que se utiliza para xuntar as brasas ou a cinsa no forno.
5-Artesa
Recipiente grande de madeira, xeralmente con catro patas e tampa, máis estreito no fondo que por arriba, no que se amasa o pan.
6-Forma, forma cunca.
Recipiente de madeira con destino a suxeitar a masa e darlle forma ás pezas de masa para facer o pan.
7-Fornada, sollo.
Conxunto de pezas que se cocen nun forno dunha soa vez.
8-Faragulla, miga, miolo, migalla, rafa.
Parte interior do pan.
9-Codea, codela, curtiza, cudela, codelo.
Parte externa e dura do pan.
10-Faragullas, migallas, rafas, faragullos, mugallas, migas, pedaciños.
Anaco moi pequeno que se solta do pan ou doutros alimentos feitos con fariña, como as galletas ou os doces.
11-Ábaco, cacho, beixo, corrosco, enceto, empeza, currusco, empeza, rebanada.
Anaco de pan con codia cortado polo canto ou polas beiras.
12-Beira, bexo, corrosco, currusco, cornexo,  cabo, empece, rebanada, teta.
Empece e remate das barras de pan.
13-Bica, bola, brona, broa, broza, torta de millo, tarta de millo, rapeira.
Pan de millo.
14-Bola, boliño, molete, tortón.
Peza de pan, xeralmente arredondada e alta.
15-Bola, bouco, bolete de moño, moño, bolo, carrapulo, chusco, molete, corna, piola.
Peza de pan cunha lixeira elevación no centro.
16-Bouco, corna, corno, currusco, marcaxe,  moñete, periquete.
Bóla que levan algunhas pezas de pan na cima.
17-Bola, bolo, boliño.
Peza de pan redonda segundo o tamaño.
18-Bela, chapata, inchote, a bola do lar, bolo aplastado, rapeira, torta.
Peza de pan con forma chata.
19-Rosca, rosco.
Pan con forma redonda provisto dun burato no medio.
20-Bolo, bolete, boliña, boliño, bolico, chusco, panocha, pico, torto
Bolo de pan pequeno.
21-Barra.
Peza de pan alongada.
22-Pan centeo
Pan elaborado con fariña de centeo (soa).
Icona elixida para representar ao pan galego (Saray 2º de ESO)

DICCIONARIO DO PAN ESTUDADO E ELABORADO NO PROXECTO


Etiquetas

Etiquetas:

Comentarios

Publicar un comentario

Entradas populares de este blog

IXP Pan Galego

Logotipo da indicación xeográfica Despois dun logo percorrido lexislativo xa temos o regulamento da IXP oficial do Pan Galego. A Consellería de Medio Rural publicou antonte no DOG a ORDE do 20 de xullo de 2020 pola que se aproba o Regulamento da indicación xeográfica protexida Pan Galego/Pan Gallego e do seu Consello Regulador. https://www.xunta.gal/dog/Publicados/2020/20200728/AnuncioG0426-210720-0004_gl.html Nela figuran as características que debe ter o pan para acollerse a esta denominación de orixe, e ademais podemos ler as principais formas que acolle. Felicitámonos de ter por fin unha lei que protexe ao noso pan e que pon en valor este ben tan prezado e único. Agora xa sabemos que a cantidade de auga para incorporar na masa será, como mínimo, de 75 litros por cada 100 kg de fariña, que o formento será o 15 % do peso da fariña amasada, e que se poden engadir como máximo 15 gramos de lévedo biolóxico e 18 gramos de sal por cada kilo de fariña. Este é un resumo das ...
Publicar un comentario
Leer más

O noso pan

Durante aproximadamente un mes estivemos recollendo datos sobre o vocabulario asociado ao proceso de elaboración do pan na nosa contorna a través dun formulario proporcionado polo programa PaLeGa que nós adaptamos para facilitar o uso de distintos dispositivos (teléfonos e ordenadores). Arquivos oficiais do proxecto que están nesta web: Caderno de enquisa ( PDF ) Follas para os datos ( Excel ou OpenDocument ) Imaxes ( zip ) Para os interesados en empregar a nosa versión amosamos capturas de pantalla deste formulario e proporcionamos un enlace de proba , tamén estamos a dispor de compartir a edición aos que o soliciten. Pantalla inicial do cuestionario Modelo de sección coas preguntas estándar O formulario está feito coa aplicación de Google Forms e consta dunha sección inicial de recollida de datos da persoa que fai a enquisa (no noso caso é o alumnado, que foi avaliado polo desenvolvemento desta tarefa), e vinte e dúas seccións mais cunha pregunta inicial aco...
Publicar un comentario
Leer más

A conrobla

Non sei que ten o pan galego que a todos gusta, e por iso quixemos dar gusto a todo o mundo facendo unha conrobla como é debido, das que só nós sabemos facer, falando e comendo ben. Velaquí o pan e os chourizos de David (2º de ESO) A mesa expositora, a medio encher, e os carteis divulgativos de fondo A mesa das mazás como froita recomendada, coas fermosas cestas que fixo o pai de Raquel (a profe de Galego) A degustación: o pan foi xentileza da panadería Rufina, a carón do IES, e o salchichón de Raquel; as fotos son de Olaia (a profe de historia). Non todo foi comer, o propio era explicar os proxectos; nesta mesa contabamos que proporcións ten o pan galego e como se fai; na seguinte que son as horas de frío e a súa importancia no desenvolvemento dos frutais; e na do fondo como se mide a auga de chuvia, pero a esa zona tardaban en chegar, o público amoreábase ao redor do pan. Quédannos cousas por facer, buscamos a etiqueta nutricional do pan galego, non un calquer...
Publicar un comentario
Leer más